Message from Chairman

കേരള ജനസംഖ്യയില്‍ 26 ശതമാനത്തിലധികം വരുന്ന മുന്നാക്ക സമുദായങ്ങളിലെ വലിയൊരു വിഭാഗം സാമ്പത്തികമായി വളരെ പിന്നാക്കാ വസ്ഥയില്‍പ്പെടുന്നവരും അതുമൂലമുള്ള അവശതകള്‍ അനുഭവിക്കുന്നവരുമാണ്‌. സ്വാതന്ത്ര്യലബ്‌ധിയുടെ ഏഴുപതിറ്റാണ്ടുകള്‍ പിന്നിടുമ്പോഴും സമൂഹത്തിലെ ഏറ്റവും ദരിദ്രരായവരുടെ പ്രശ്‌നങ്ങള്‍ പരിഹരിക്കപ്പെടാതെ നിലനില്‍ക്കുന്നുവെന്ന യാഥാര്‍ത്ഥ്യം സാമൂഹ്യനീതിയില്‍ അധിഷ്‌ഠിതമായ സാമൂഹ്യ സുരക്ഷാ പദ്ധതികളുടെ ആവശ്യകതയിലേക്ക്‌ വിരല്‍ചൂണ്ടുന്നു. കേന്ദ്ര സംസ്ഥാന സര്‍ക്കാരുകളുടെ സംവരണാനുകൂല്യങ്ങളില്‍പ്പെടാത്തവരും സാമ്പത്തിക വിദ്യാഭ്യാസ രംഗങ്ങളിലെ പിന്നാക്കാവസ്ഥ മൂലം സാമൂഹ്യമായി പിന്‍തള്ളപ്പെട്ടുകൊണ്ടിരിക്കുന്നവരുമായ ഒരു വലിയ ജനവിഭാഗത്തെ, ജാതിമത ചിന്തകളുടെ അതിര്‍ വരമ്പുകള്‍ ഇല്ലാതെ, സമൂഹത്തിന്റെ മുഖ്യധാരയിലേക്ക്‌ കൈപിടിച്ചുയര്‍ത്തുക എന്ന ലക്ഷ്യത്തിലേക്കുള്ള ആദ്യ ചുവടുവയ്‌പാണ്‌ ഇന്‍ഡ്യന്‍ സംസ്ഥാനങ്ങളില്‍ തന്നെ ഇദംപ്രഥമമായി കേരളത്തില്‍ ആരംഭിച്ച `സമുന്നതി' എന്ന പേരിലറിയപ്പെടുന്ന കേരള സംസ്ഥാന മുന്നാക്ക സമുദായ ക്ഷേമ കോര്‍പ്പറേഷന്‍ ലിമിറ്റഡ്‌. സംവരണേതര സമുദായങ്ങളിലെ പഠനത്തില്‍ മികവ്‌ പുലര്‍ത്തുന്ന ഒരു കുട്ടിക്കും സാമ്പത്തിക പിന്നാക്കാവസ്ഥ മൂലം അര്‍ഹമായ ഒരു അവസരവും നഷ്‌ടപ്പെടരുത്‌ എന്നതാണ്‌ സമുന്നതിയുടെ കാഴ്‌ചപ്പാട്‌. 2012 നവംബര്‍ 8 ന്‌ പ്രവര്‍ത്തനമാരംഭിച്ച കോര്‍പ്പറേഷന്‍ ചുരുങ്ങിയ നാളുകള്‍കൊണ്ടു തന്നെ വൈവിധ്യപൂര്‍ണ്ണമായ നിരവധി പദ്ധതികളിലൂടെ സംവരണേതര സമുദായങ്ങളിലെ പാവപ്പെട്ടവരുടെ ഉന്നമനത്തിനായി പ്രവര്‍ത്തിച്ചു വരുന്നു. ഇനിയും വളരെ മുന്നോട്ടു പോകേണ്ടതുണ്ട്‌. നമുക്ക്‌ ഒരുമിച്ച്‌ മുന്നേറാം.



R. Balakrishna Pillai
Chairman

Latest News

  • Vidya Samunnathi - Coaching Assistance Scheme:Financial Assistance to candidates qualified for Civil Service Interview- Applications Civil Service Interview form
  • List of Beneficiaries for Scheme : Diploma (2014-15)
  • List of Beneficiaries for Scheme -National Institute level (Renewal)

More News